नेपालमण्डल दबू लिई नेपाः राष्ट्रिय पार्टीया अध्यक्ष डा. केशव मान शाक्यनाप

Listen Live at Newa: Sa: Internet Radio1



Trouble listening the radio ?
Try the alternative player below



To download the audio, right click the link below, select "Save Target As" or "Save Link As" 
Download this Audio Now

नेपालमण्डल दबू लिई  नेपाः राष्ट्रिय पार्टीया अध्यक्ष डा. केशव मान शाक्यनाप 


नेपालमण्डल दबू लिई  नेपाः राष्ट्रिय पार्टीया अध्यक्ष डा. केशव मान शाक्यनाप भाजु श्रीकृष्ण महर्जनजु याना दिगु खल्हाबल्हा 

 

भाजु श्रीकृष्ण महर्जन जु याना दिगु विश्लेषण

केपी ओलीयात प्रधानमन्त्री दयेकेमाःगु नेपाः राष्ट्रिय पार्टीया अध्यक्ष डा. शाक्य धापू, मधेसी आन्दोलानया विरोध
शाक्यया उगु धापूयात कया राजनीतिक रुपं सचेत नेवाःतय्गु आक्रोश

नेपाः राष्ट्रिय पार्टीया अध्यक्ष नापं पुलांम्ह मन्त्री डा. केशवमान शाक्यं आःया अवस्थाय् एमालेया अध्यक्ष केपी शर्मा ओलीयात न्हूम्ह प्रधानमन्त्री दयेकेमाः धइगु पार्टीया लाइन खः धकाः धयादीगु दु । थौं असोज १९ गते मंगलवाः सुथय् ८ बजेनिसें ८ः३० तकया नेपालमण्डल ज्याझ्वलय् न्वंवासें वय्कलं अथे धयादीगु खः ।

प्रधानमन्त्री सुशील कोइरालाया निवास वालुवाटारय् संसदय् दुथ्याःगु झिंच्यागू पार्टीया बैठकय् सरकार गठनया विषययात कया थःगु बिचाः प्वंकुसें अथे धयादीगु खः । वय्कलं तराई मधेसय् जुयाच्वंगु आन्दोलनया विरोधयासें इमिगु माग पुरा यायेगु जूसा चिचीधंगु राजनीतिक पार्टीया नं मागयात पुरा यायेमाः धकाः धयादीगु खः । अथे हे अध्यक्ष नापं पुलांम्ह मन्त्री डा. शाक्यं न्हूगु संविधान जारी जूगु तसकं बांलाःगु नापं पार्टीं उकियात समर्थन यानागु दु धकाः तकं धयादीगु खः ।
 
अथे नेपाः पार्टीया अध्यक्ष डा. केशवमान शाक्यया अन्तर्वार्तालिपा फोन कल कायेगु झ्वलय् खुम्ह नेवाःतय्सं ब्वति कयादीगु खः । राजनीतिक रुपं सचेत जुयादीपिं नेवाःतय्सं प्रतिनिधिमुलक रुपं ब्वतिकयादिसें दक्ले न्हापां सामाखुसिया विश्वनाथ श्रेष्ठं डा. शाक्य व वय्कःया पार्टीं नेवाःतय्गु नितिं गद्दार यात धकाः आक्रोश प्वंकादिल । 

अथे हे चाहचःया श्रीकृष्ण महर्जनं नेपाः पार्टी व उगु पार्टीया नायः डा. शाक्य नेवाःतय्गु पक्षय् मदुगु अले सत्ताया नितिं ब्रम्हुत ल्यूल्यू जुयाच्वगु द्धपं बियादिल । उगु हे कथं यलया धर्म शाक्यं नेपाः पार्टीया अध्यक्षया धापू तसकं बांमला धायदिसें हाकनं हाकनं मन्त्री जुइगु मनसाय खने दत धयादिल । 

 यलया हे शान्तिराज शाक्यं सर्वदलिय बैठकय् एकीकृत माओवादीया खँ वःगुयात कया कनादीगु झ्वलय् लाइन त्वाःदत । 

अनं लिपा बुलुया पिएम बुल्मीं नेपाः पार्टीया अध्यक्ष पहिचान मयाःपिनिगु पक्षय् वनाच्वन अले वय्कः पहिचानया पक्षय् मन्त धकाः धयादिल । उगु हे पार्टीया नेता मनोज नेवाः व पार्टीया अध्यक्ष शाक्यया खँ आकास जमिन पात धायदिसें थारु मधेसीया आन्दोलनया विरोधी डा. शाक्ययात चीकाः न्हूगु नेतृत्व वयेमाःगु नापं मनोजन नेवाः नं पार्टीया नेतृत्व यात धाःसा थःपिनिगु लागाय् पार्टीयात थःपिनिगु लागाय् नं विकास याना न्ह्यः वनेत तयार धयादिल । 

अले दक्ले लिपा किपूया नन्दलाल महर्जनं आः नेपाः पार्टीं सांसद् छम्ह नं त्याके फइगु अवस्था मन्त । हाकनं सरकारय् वनेगु नितिं नेपाः पार्टीया अध्यक्षं अज्वःगु खँ ल्हाःगु खः धयादिसें वय्कः आः नेवाःतय्गु नामय् कलंक जूगु द्धपं बियादिल ।
 
एफ एमय् प्रशारण जूगु खँ व बिचाःयात चीहाकलं न्ह्यब्वयागु खः । थ्व सु प्रति आग्रह पूर्वाग्रह तया मखु यथार्थ खँ जक सारया रुपय न्ह्यब्वयागु खः । अले नेपाः पार्टीया केन्द्रीय समितिया बैठक तकं वइगु विहिवाः जूवनाच्वंगु दु । उगु बैठकं न्हूम्ह सभासद् ल्ययेगु धाःगु दु । उकिं थ्व सान्दर्भिक जुइ धकाः न्ह्यब्वयागु खः न्हि पासापिं ।