रेडियो उद्घोषण तालिम ज्याझ्वः रेडियो उपत्यका ८७.६ मेगाहर्जं व मातृ ससक्तिकरण समूहया सहकार्य
येँ, वैशाख २५, २०७३ । रेडियो उपत्यका ८७.६ मेगाहर्ज व मातृ सशक्तिकरण समूहया सहकार्य कथं औपचारिक रुपं रेडियो उद्घोषण तालिम ज्याझ्वः न्ह्याई जूगु दु । थौं सुथय् नारायण परिवार क्लब, वन्दे टेकुइ जुगु उलेज्या ज्याझ्वःलय येँया क्षेत्र नं ८ या नेपाली कांग्रेस सांसद नविन्द्रराज जोशीं मूपाहाँ कथं उलेज्या यानादीगु खः ।
समाजया नितिं परिवर्तन नेपालया ग्वसाले जुगु ज्याझ्वःलय उगु समाजया नायः मयजु भगवति जोशीया सभापतित्वय ज्याझ्व न्ह्यागु ख:। उगु ज्याझ्वलय् पाहाँ कथं रेडियो उपत्यकाया नाय: भाजु पुष्पराज पराजुली, नारायण परिवार क्लबया नाय भाजु प्रचण्डमान बज्राचार्य, मातृ ससक्तिकरण समूहया नाय मयजु त्रिपुरा लक्ष्मी जोशी, रेडियो उपत्यका नेपालभाषा ज्याझ्व प्रमुख भाजु प्रज्वल शाक्य, रेडियो उपत्यका संचालक समिति सदस्यपिं भाजु नीर शाक्य व भाजु सन्तकुमार महर्जन नापं नारायण परिवार क्लबया सदस्य सचिब भाजु निरज कुमार महर्जन पाहाँ ब्वना तगु ख: । उद्घोषण प्रशिक्षण भाजु निर्मल बज्राचार्य व भाजु बिराजकाजी राजोपाध्याय पाखें जुइगु जुगु दु । ज्याझ्वलय् सकल पाहाँ पिन्त तालिम ब्यबस्थापन व मातृ ससक्तिकरण समूह या सल्लाहकार भाजु बालकृष्ण महर्जनं खादा कोखायेका लसकुस यानादिगु खसा: प्रमुख अतिथि पाखें तालिम सामाग्री हस्तान्तरण न जुगु ख: ।
रेडियो उपत्यकाया संस्थापक नाय व नारायण परिवार क्लबया पूर्व नाय चक्रमान डंगोल मदुगु ११ ला जुगुलिं वयेकया योगदानया लुमन्ती १ मिनेट मौन धारण न यागु ख: ।
भाजु प्रज्वल शाक्य पाखें लसकुस न्वचु व प्रशिक्षक पाखें बिराजकाजी राजोपाध्यायं न्वचु तालिम या महत्व बारे ध्वाथुइका दिगु ख: । अथेहे मयजु त्रिपुरा लक्ष्मी जोशीं मातृ ससक्तिकरण समूहया म्हसिका बियादिगु ख: । नारायण परिवार क्लब या नाय भाजु प्रचण्ड मान बज्राचार्य पाखें क्लबया म्हसिका व रेडियो उपत्यका या बारे न्ह्यथना दिलसा रेडियो संचालक समिति सदस्य भाजु नीर शाक्यं थगु अनुभव व तालिम स्यनामी पिन्त भिन्तुना बिया दिगु ख: । मू पाहाँ भाजु नविन्द्र राज जोशीं तालिम ता: लायेमा धका सुवा बिया दिल अथेहे ज्याझ्व या नाय मयजु भगवति जोशीजुं तालिमया महत्व न्ह्यथनादिल। ज्याझ्वया संचालन, उद्घोषण व तालिमया संयोजन भाजु बिगेन तुलाधरं यानादिगु ख: ।
तालिम थ्व हे बैशाख २६ गते निसें लछि तक न्ह्याई गु व स्यनामिपिन्त थीथी संचार गृहया भ्रमण याकिगु ज्याझ्व: न दुगु जानकारी तालिम संयोजकं बियादिगु ख: ।
उगु ज्याझ्व:या किपा त । बुँख व किपा : विगेन तुलाधर
येँ, वैशाख २५, २०७३ । रेडियो उपत्यका ८७.६ मेगाहर्ज व मातृ सशक्तिकरण समूहया सहकार्य कथं औपचारिक रुपं रेडियो उद्घोषण तालिम ज्याझ्वः न्ह्याई जूगु दु । थौं सुथय् नारायण परिवार क्लब, वन्दे टेकुइ जुगु उलेज्या ज्याझ्वःलय येँया क्षेत्र नं ८ या नेपाली कांग्रेस सांसद नविन्द्रराज जोशीं मूपाहाँ कथं उलेज्या यानादीगु खः ।
समाजया नितिं परिवर्तन नेपालया ग्वसाले जुगु ज्याझ्वःलय उगु समाजया नायः मयजु भगवति जोशीया सभापतित्वय ज्याझ्व न्ह्यागु ख:। उगु ज्याझ्वलय् पाहाँ कथं रेडियो उपत्यकाया नाय: भाजु पुष्पराज पराजुली, नारायण परिवार क्लबया नाय भाजु प्रचण्डमान बज्राचार्य, मातृ ससक्तिकरण समूहया नाय मयजु त्रिपुरा लक्ष्मी जोशी, रेडियो उपत्यका नेपालभाषा ज्याझ्व प्रमुख भाजु प्रज्वल शाक्य, रेडियो उपत्यका संचालक समिति सदस्यपिं भाजु नीर शाक्य व भाजु सन्तकुमार महर्जन नापं नारायण परिवार क्लबया सदस्य सचिब भाजु निरज कुमार महर्जन पाहाँ ब्वना तगु ख: । उद्घोषण प्रशिक्षण भाजु निर्मल बज्राचार्य व भाजु बिराजकाजी राजोपाध्याय पाखें जुइगु जुगु दु । ज्याझ्वलय् सकल पाहाँ पिन्त तालिम ब्यबस्थापन व मातृ ससक्तिकरण समूह या सल्लाहकार भाजु बालकृष्ण महर्जनं खादा कोखायेका लसकुस यानादिगु खसा: प्रमुख अतिथि पाखें तालिम सामाग्री हस्तान्तरण न जुगु ख: ।
रेडियो उपत्यकाया संस्थापक नाय व नारायण परिवार क्लबया पूर्व नाय चक्रमान डंगोल मदुगु ११ ला जुगुलिं वयेकया योगदानया लुमन्ती १ मिनेट मौन धारण न यागु ख: ।
भाजु प्रज्वल शाक्य पाखें लसकुस न्वचु व प्रशिक्षक पाखें बिराजकाजी राजोपाध्यायं न्वचु तालिम या महत्व बारे ध्वाथुइका दिगु ख: । अथेहे मयजु त्रिपुरा लक्ष्मी जोशीं मातृ ससक्तिकरण समूहया म्हसिका बियादिगु ख: । नारायण परिवार क्लब या नाय भाजु प्रचण्ड मान बज्राचार्य पाखें क्लबया म्हसिका व रेडियो उपत्यका या बारे न्ह्यथना दिलसा रेडियो संचालक समिति सदस्य भाजु नीर शाक्यं थगु अनुभव व तालिम स्यनामी पिन्त भिन्तुना बिया दिगु ख: । मू पाहाँ भाजु नविन्द्र राज जोशीं तालिम ता: लायेमा धका सुवा बिया दिल अथेहे ज्याझ्व या नाय मयजु भगवति जोशीजुं तालिमया महत्व न्ह्यथनादिल। ज्याझ्वया संचालन, उद्घोषण व तालिमया संयोजन भाजु बिगेन तुलाधरं यानादिगु ख: ।
तालिम थ्व हे बैशाख २६ गते निसें लछि तक न्ह्याई गु व स्यनामिपिन्त थीथी संचार गृहया भ्रमण याकिगु ज्याझ्व: न दुगु जानकारी तालिम संयोजकं बियादिगु ख: ।
उगु ज्याझ्व:या किपा त । बुँख व किपा : विगेन तुलाधर
No comments:
Post a Comment